A àcena a àcena si face la màcena.

A casa re puviriéddri no màngano tòzze.

A casa re sonatùri no nge vuonno matenàte.

A ghiresénne la neve si véreno re strónza.

A la prima trasitùra uardàtivi re sacche.

A lo cavàddro iastomàto luce lo pilo.

A luce re cannéla ni fémmene e ni téle.

A piccirìddri no pormétte e a sandi non fa uti.

A ra rà nna bòtta a lo chìjrchijo e n'ata a lo tombàgno.

A Sand'Anduóno ogni gaddrìna ti face l'uovo.

A tavola è la nóglia chi la òle se la taglia.

O ti mangi sta menestra o ti utti ra la fonestra.

Abbito non fa monaco e chierica no fa preote.

Accetta accetta l'arbiro caruto.

Accire cchiù l'ammiria ca nna sckoppettata.

Acqua re giugno arruvina lo munno.

Addo ciendo addri candano no face mai iuorno.

Addo ng'è gusto non ng'è perdenza.

Addo non si chiamato non nge ine ca si cacciato.

Ai perso li uoi e vai trovanno re corna.

Gninchi trasi pane e caso, roppo trasuto pane piruto.

Attacchi lo ciuccio addo ole lo patrone.

Cani e gatti misi quatto: rui prieni e due allatti.

Carne re puorco scaglienda e mena nguorpo.

Carne re vaccina sbreogna cucina.

Catarro, vino pe lo carro.

Chi se nne rispiace re re carni re l'ati, re sua se re mangiano li cani.

Chi accatta e no benne no saglie e no scenne.

Chi bello ole parè, pene e guai adda patè.

Chi camba addiritto camba affritto, chi camba stortarieddro camba bonarieddro.

Chi chiange fotte a chi rire.

Chi è caoro è malato e chi è friddo è nnammorato.

Chi face male a li monaci, Sand'Andonio se nne paa.

Chi nasce bella no more povereddra.

Chi no fraveca e no marita lo munno nno lo sape mica.

Chi non sende a mamma e patre, vai spierto e no ro sape.

Chi non si face li fatti sua pe la lenderna vai trovanno ro fuoco (vai ascianno uai).

Chi nonn'abbara a ro picca, nonn'abbara mango a r'assai.

Chi ole abbà lo vicino si corca priesto e si aza matino.

Chi ole cambà ciend'anni pippa re creta e cannuccia re canna.

Chi pecora arrevenda lo lupo se la mangia.

Chi rice ca ti ole bene cchiù re nna mamma o ti ngorna o ti nganna.

Chi semmena spine no pote i scaozo.

Chi sereve l'amici, la sera si corca senza luce.

Chi si veste re li panni re l'ati, priesto vai a l'annura.

Chi si aza matino abbuscka pane e bino, chi si aza a ghiurno abbuscka nno cuorno.

Chi si uarda li puorci sua, nonn'è chiamato porcaro.

Chi tene male capo adda tenè buono pere.

Chiacchiarià è arte leggia.

Ciendo cappotti accireno lo ciuccio.

Dio nonn'è mercande chi paa re sapato.

Dio te nne scanza ra li pirucchi pigliati re sango.

E' meglio fatià pe chi non ti paa ca pi chi non ti capisce.

E' meglio nno male matino ca nno male vicino.

Ennaro è ferele: com'è a la matina accussì è a la sera.

Ennaro sicco, massaro ricco.

Fa male e penza, fa bene e scorda.

Fatti lo lietto ca non sai chi aspietti, arrecettati caseta ca non sai chi trase.

Febbraro curto e amaro.

Femmena ciucci e crapi tieno la stessa capo.

Figli picciuli uai piccioli, figli gruossi uai gruossi, figli sposati uai preparati.

Figlio re atta angappa surici.

L'arte re lo valascio: mangia, veve e stai a spasso.

La addrina face l'uovo e a lo addro l'abbrucia lo culo.

Luna re ennaro e sole re maggio.

La fame caccia lo lupo ra la tana.

La lengua no tene uosso, ma rombe lo turso.

La male combagnia porta l'ommene a la forca.

La meglio parola è quera ca non si rice.

La nzalata bona conzata, assai acito e picca oliata.

La panza è dde peddrecchia, cchiù nge mitti e cchiù si stennecchia.

La scrofa lenda si sonna cerze.

La vecchia cambao ciend'anni e bulia cambà angora.

Li ciucci si nduzzano e li varrili ne vanno pe sotta.

Li sordi re l'usuraro se re fotte lo sciambagnone.

Li uai re la pignata re sape la cocchiara.

Lo culo ca nonn'ave mai visto la cammisa, quanno la vera si sckattare risa.

Lo curnuto si sende ngornato e lo mariuolo si sende arrobbato.

Lo figlio mupo la mamma lo capisce.

La sciorta re lo piecoro: nasce curnuto e more scannato.

Puorco pulito no ngrassa mai.

Lo ritto re l'andici non fallisce mai.

Lo voi chiama curnuto a l'asino.

Maggio tutto viendo, cchiù paglia ca grano.

Male a chi care nderra e cerca aiuto.

Male a chi porta la male nnomenata.

Male a quera casa addo la addrina canda e lo addro si stai citto.

Male a quera casa addo lo cappieddro no nge trase.

Male non fa e paura nonn'avè.

Matrimoni e besckovati ra cielo nderra so ristinati.

Meglio ca mammeta t'acceresse ca lo sole re marzo ti cocesse.

Meglio nno marito strippungieddro ca nn'amande mberatore.

Natale pe lo sole e Pascka pe lo ceppone,
responne la vecchia re Olofano: fà cippuni pe lo mese re maio.

Nna femmena e nna papara reotarono tutta Napuli.

Nno patre camba ciendo figli e no ciendo figli cambano nno patre.

No sputà ngielo ca nfacci ti care.

Ogni ndoppamiendo vale a giovamiendo.

Passata la quarandina nno malanno a la matina,

passata la cinquandina menati a maro pe tutti li panni.

Pe lo tiembo e pe la paglia, ammaturano re nespole.

Pigliati lo buono iuorno quanno l'ai ca lo malamende no manga mai.

Prima re Natale ni friddo e ni fame, roppo Natale friddo e fame

(ra Natale a gghi nnanzi tremano l'infandi).

Lo lietto stritto ti curchi mmiezzo.

Quanno lo riaolo attornea ole l'anima.

Quanno non ng'è la atta lo sorece abballa.

Quanno si zappa e quanno si puta zi Peppo no tene niputi,

quanno si vai a binignà zi Peppo ra qua e zi Peppo ra ddra.

Quanno t'anno purmiso lo purcieddro curri subbito pe lo funnicieddro.

Quanno ti criri ca more l'aino, more la pecora.

Tre billandi, giorni quaranda.

Quatto brillandi, quaranda iuorni durandi.

Recette lo sorece nfacci a la noce: rammo tiembo ca ti spertoso.

Ro ghiango e ro russo traseno pe lo musso.

Roppo a li cunfietti veneno li rifietti.

Sando Tomaso, verene pe l'uocchi e toccane pe re mano.

Scirocco e levande no bieno mai vacandi.

Si chiove a lo mese r'austo, fai mela, castagne e musto.

Si l'ammiria fosse paposcia tutti la strascinassero.

Si l'aucieddri canoscessero ro grano, a la Puglia non si metesse.

Si marzo ngrogna ti face carè r'ogna.

Si mitti pere a ogni preta, a caseta tua nonn'arrivi mai.

Sole iango acqua a branghe.

Anno re neve anno re bene.

Storta vai e addiritta vene, sembe storta no po gghi, pote tardà ma adda vinì.

Tanno si ronna bella, quanno ng'èi la recotta rind'a la foscella.

Terra neora buono pane mena.

Tutti olessero la casa mmiezzo a la chiazza.

Uommini re vino ciendo a carrino.

Vale cchiù n'acqua re maggio e abbrile ca nno carro r'oro a chi lo tira.

Lo viecchio si potesse e lo giovane si sapesse.

Lo sfizio re lo ciuccio è la gramegna.

Ngrassa lo puorco ca t'allisci lo musso.

Lo Pataterno com'è la mondagna accussì nge mette la neve.

La cera si consuma e la pirgissione no camina.

Chi lassa la via vecchia pe la nova, sape che lassa e non sape che trova.

Dio ro sape e la Maronna ro bere.